歐霸決戰西維爾受讓筍

作者:足球人 发布于:2020-8-21 14:38 Friday 分类:7m即时比分

牌面輸蝕經驗搭夠
今晚於德國科隆上演歐霸盃王者之戰,由5屆盟主西維爾硬撼3屆冠軍國際米蘭。論牌面西維爾星味唔及對手,但近14年來5度闖歐霸盃決賽,唔單止法定時間未輸過,全部都捧盃而回,「歐霸之王」絕非浪得虛名,經驗贏晒10年來首入歐戰決賽嘅「藍黑兵團」,仲有得受讓咁筍,讓球主勝有買趁早。

(myTV Gold 303、Now 643、有線656及616台周六凌晨3時直播)

論實力,西維爾只屬歐洲一線尾球隊,好似盧克迪莊、班尼加、蘇索、費蘭度法蘭斯高等均屬豪門棄將,不過喺歐霸盃零舍sharp醒,例如4強面對強敵曼聯,喺先失球劣勢下反勝2比1,韌力無與倫比。

何況,西維爾與歐霸盃特別有緣,自2005/06年度球季起,5度殺入歐霸(或前身歐洲足協盃)決賽,喺法定時間取得3勝2和未輸過,包括2016年以3比1反勝高普領軍嘅利物浦,而2次打和最終均憑互射12碼贏埋,即係話佢哋每逢入決賽,奪冠率高達100%,唔講得笑。

國米不擅對付西甲兵
另一邊廂,國米亦氣勢如虹,轉戰歐霸盃後5戰全勝,包括4強大勝薩克達5比0,佢哋曾經3奪歐洲足協盃(歐霸盃前身),僅次於西維爾。但與西維爾近14年來5入歐霸盃決賽相比,「藍黑兵團」近23年只曾2次打入歐洲賽決賽,上次已經係2009/10年度嘅歐聯決賽,經驗輸蝕。同時「藍黑兵團」堅怕西甲兵,近6次喺歐洲賽面對西甲球隊,只得1勝1和4負,遇上「歐霸之王」西維爾仲要讓波制唔過,讓球主勝乃不二之選,不妨捧埋有2.2倍嘅西維爾「冠軍」。

发表评论: